Í afar fróðlegu viðtali í MBL frá 2002 segir Josef Bonnici, viðskiptaráðherra Möltu, frá reynslu þarlendra stjórnvalda af samningaviðræðum við ESB. Íbúar Möltu eru um 400.000.
Í viðtalinu segir m.a.:
JOSEF Bonnici, viðskiptaráðherra Möltu, segir fulltrúa Evrópusambandsins (ESB) hafa sýnt sjónarmiðum Möltumanna mikinn skilning en Malta á nú í aðildarviðræðum við sambandið. Engin dæmi séu um að erindrekar ESB hafi stillt viðsemjendum sínum upp við vegg og sagt að þeir yrðu einfaldlega að samþykkja skilmála sambandsins eða hafna þeim. “Það er mögulegt að semja um hlutina,” segir Bonnici
..og ennfremur:
Sjá um að ákveða heildarafla
Niðurstöður viðræðna Möltumanna og ESB um sjávarútvegsmál vöktu talsverða athygli hér á landi nýverið. “Þó að fiskveiðar séu ekki jafn mikilvægar efnahag okkar og fyrir ykkur Íslendinga þá þýðir það ekki að einfalt hafi verið að semja um þau mál,” segir Bonnici aðspurður.
“Ríkisstjórn Möltu lýsti einhliða yfir 25 mílna efnahagslögsögu á sínum tíma, snemma á áttunda áratugnum. Lögsaga okkar hlaut ekki viðurkenningu á alþjóðavettvangi, slík viðurkenning fékkst aðeins fyrir 12 mílum, en það sem við höfum nú gert er að tryggja að ábyrgðin á því að stýra veiðum á 25 mílna svæðinu fellur í okkar hlut. Þetta er kannski ekki stórt svæði en þá verða menn að hafa í huga að fjarlægðin á milli Möltu og Sikileyjar er aðeins 60 mílur. Við erum því að tala um að næstum helmingur þess svæðis teljist efnahagslögsaga okkar. Það fellur í okkar hlut að ákveða heildarafla hvers fiskveiðiárs og einnig munum við ákveða stærð veiðarfæra og þar fram eftir götunum.”
“Auðvitað þurfum við líka að una ákveðnum takmörkunum,” segir Bonnici. “Þannig verða bátar, sem eru stærri en tólf metrar á lengd, að veiða utan fiskveiðilögsögunnar. En þá er rétt að muna að fæstir bátanna í fiskveiðiflota okkar eru stærri en tólf metrar að lengd.”
Hann segir að þetta fyrirkomulag muni í raun þýða að einungis maltneskir bátar verði að veiðum í lögsögu Möltu. Kostnaður við að sigla smábátum t.d. alla leið frá Spáni geri að verkum að slíkur útvegur geti aldrei orðið arðbær. Fjarlægðin sé of mikil, veður geti verið válynd og um of langan veg sé að fara til að landa aflanum.
Hér að neðan er viðtalið í heild sinni af vef MBL
Hver er þín skoðun?