Evrópusamtökin voru stofnuð í maí árið 1995. Þau eru þverpólitískur vettvangur áhugamanna um Evrópusamvinnu sem vilja stuðla að upplýstum og fordómalausum umræðum á Íslandi um samstarf Evrópuríkja, auk þess að vinna að því að Ísland sæki um aðild að Evrópusambandinu.
Helstu markmið Evrópusamtakanna:
- - Að stuðla að skipulegri samvinnu þjóða Evrópu á lýðræðislegum grundvelli í því skyni að standa vörð -um frið, frelsi og mannréttindi og auka gagnkvæman skilning og menningarleg samskipti.
- - Að starfa að virkri þátttöku Íslands í samstarfi Evrópuríkja. Vinna að útvíkkun og dýpkun samstarfsins með endurbótum á EES samningi og vinna að því að Ísland sæki um aðild að Evrópusambandinu
- - Að dreifa upplýsingum og þekkingu um evrópskt samstarf, jafnt um þau samstarfsform sem nú eru við lýði og framtíðarmöguleika í samvinnu Evrópuríkja.
- - Að láta fara fram athuganir og rannsóknir á málum, sem tengjast evrópskri samvinnu.
- - Að starfa með öðrum íslenskum og evrópskum samtökum og stofnunum, sem hafa skylda starfsemi með höndum.
Núverandi formaður samtakanna er Andrés Pétursson, en aðrir stjórnarmenn eru:
Anna Kristinsdóttir, mannréttindastjóri
Ari Skúlason, hagfræðingur
Björn Friðfinnson, lögfræðingur
Ingólfur Margeirsson, rithöfundur
Guðmundur Hallgrímsson, lyfjafræðingur
Gunnar Hólmsteinn Ársælsson, stjórnmálafræðingur
Jónas Tryggvi Jóhannsson, tölvunarfræðingur
Pétur Snæbjörnsson, framkvæmdastjóri
