Meginlandið VII: Þjóðaratkvæði 29. ágúst

Í stefnuyfirlýsingu ríkisstjórnarinnar frá árslokum 2024 kemur fram að þjóðaratkvæðagreiðsla um framhald viðræðna um aðild Íslands að Evrópusambandinu fari fram eigi síðar en árið 2027.

Frá því þessi stefnuyfirlýsing var rituð hefur fjölmargt gerst í heimsmálunum. Stríð breiðast út, stríð Rússa gegn Úkraínu heldur áfram, árásir Ísraela gegn Palestínu halda áfram og Bandaríkin, undir forystu Donald Trump, ræðst inn í Venesúela og hótar aðgerðum á Kúbu og hefur nú ráðist í félagi við Ísrael á Íran. Sami forseti talar um innlimun Grænlands í Bandaríkin – fyrir nú utan tollastríð sem ógnar viðteknum hugmyndum um fríverslun og efnahagslega samvinnu.

Það er því óhætt að segja að á þessu rúma ári, frá því stefnt var að þjóðaratkvæðagreiðslu eigi síðar en árið 2027 hafi staðan í heimsmálum breyst umtalsvert. Ríkisstjórnin hefur því boðað þjóðaratkvæðagreiðslu um áframhald viðræðna við ESB þann 29. ágúst nk. eða eftir tæplega 6 mánuði. Það kveikna auðvitað fjölmargar spurningar nú þegar dagsetningin liggur fyrir og buðum við því Þorgerði Katrínu Gunnarsdóttur, utanríkisráðherra á Meginlandið.