Evrópuhreyfingin vaknaði upp við þau góðu tíðindi á nýju ári að til standi að leggja fram þingsályktunartillögu á vorþingi um þjóðaratkvæði um aðildarviðræður að Evrópusambandinu.

Þrátt fyrir að jólahátíðin hafi náð hápunkti sínum er nóg að frétta af Evrópumálunum og innan úr röðum Evrópuhreyfingarinnar!

Evrópumálin halda áfram að vera ofarlega í deiglunni, eins og við var að búast. Í vikunni varpaði varaformaður Miðflokksins því fram í pontu Alþingis, án ábyrgðar eða umhugsunar, að hagsmunum Íslands væri betur borgið utan EES til að hafa meiri stjórn á fólksflutningum til Íslands.

Ritari íslensku Evrópuhreyfingarinnar, Dóra Magnúsdóttir, sótti ársfund alþjóðlegu Evrópuhreyfingarinnar (EMI) fyrir helgi, en sú alþjóðlega samanstendur af 35 hreyfingum og samtökum bæði innan og utan Evrópusambandsins, sem eiga það sameiginlegt að vinna að Evrópuhugsjóninni í víðu samhengi.